Quen Somos ?

Amantes dos títeres e obxectos coma protagonistas da dramaturxia, apostamos pola creación de espectáculos dende o seu comenzo, cunha clara filosofía de autoprodución


A nosa proposta escénica está baseada en anos de experimentación no manexo e construcción de diferentes tipos de marionetas, sempre ideando a mellor opción según as necesidades do personaxe ou escena.


Tentamos fomentar, sempre dende o divertimento, valores coma a igualdade, o respecto e o apoio mútuo. Vemos de vital importancia unha educación emocional positiva así como de respecto pola natureza

Ademáis realizamos traballos escenográficos, de iluminación, efectos especiais, interpretación, dirección,…

Se forma como compañía profesional no ano 1981 da mán de Fernanda Cabrera Varela e Rafael Vázquez Núñez, recuperando a tradición dos títeres e as marionetas de fíos para Galicia co espectáculo “Teatriño de Feiras”, que aínda hoxe se sigue representando co nome
“The Piccole Theatre Vagamundi”.

Dende o principio foi unha compañía que traballou por elevar a categoría artística dos títeres como ferramenta dentro da dramaturxia.

Tras vinte anos de traxectoria falece Fernanda Cabrera, peza fundamental da compañía e da historia dos títeres en Galicia.

Deixanos a herdanza da definición dun estilo e estética vencellada a arte contemporánea e iniciativas de desenvolvemento profesional e dinamización cultural, ademáis das actividades de solidaridade do oficio como foron os chamados “Domingos de Furabolos” ou os
“Encontros dos Titiriteiros Galegos”.

Historia da compañía

Continuando a idea, a compañía sigue adiante
en máns de Rafael Vázquez e Ero Vázquez Cabrera, creando unha serie de espectáculos baseados no Teatro en Negro con títeres e obxectos.

A partires do ano 2006, Ero Vázquez Cabrera faise cargo da compañía xunto con Isa García Coldeira e a compañía renace con novos proxectos
sen esquecer as creacións xa existentes.
Na sua experimentación sobre a base do Teatro en Negro crean
“Historias de Títeres”, un espectáculo de guiñol representado sen telón que cubra@s titiriteir@s sendo est@s invisibles.

Tamén xogando coa iluminación e marionetas xigantes destacamos “Turandot, a princesa de xeo” creada en colaboración coa Asociación Lírica de Galicia , “Traxicomedia de Calixto e Celestino” con bonecos de bocón e varilla…

Nos últimos dous anos, esta segunda xeración da compañía ten estreadas cinco obras e continúa con parte do seu repertorio anterior.
Seguimos a tirar do fío dunha proposta estética baseada nunha contínua labor de creación, experimentación e de produción de taller, con medios propios e unha clara filosofía de autoprodución.

OBRAS
1981 Teatriño de Feiras
1982 A sombra da carabá
1983 A guerra das Galixias
1984 Nº8 Rúa dos contos
1985 Erro and Surprise
1987 Yunnila
1988 Viaxedubi
1989 Quén Rí?
1990The Piccole Theatre Vagamundi
1991 O incrible caso do Dr. Mario Netten
1993 Maltraste
1994 A vaca Palmira
1995 O vello que quería velo tren
1995 O pasmón peatón
1996 Gorgorín e Cabezón
1998 Gus, un guiñol con moito gas
1999 El carro de Talía (con Yheppa Títeres)
1999 As cousas de Nisi
2000 Tartarín de Tarascón

2001 Klee
2004 T’am
2006 El Anónimo (con Mundo Piruleta)
2007 A verba que escomenza
2008 Historias de títeres
2008 Canle segredo
2009 Lolo e a Ratoa
2010 Cuarterto de Corda
2011 As mil e unha noites
2012 Traxicomedia de Calixto e Celestino
2013 Turandot A princesa de xeo (coa Asociación Lírica de Galicia)
2014 O carro dos títeres (coa Asoc. Cultural Chimchiribote)
2014 Nimbos
2014 As tres Raíñas Magas (coa Asociación Cultural Chimchiribote)
2015 Contos da Lúa
2016 Monólogos
2017 O agasallo de Anya
2017 Gaela de Breana e a sua Viaxe
2018 Xogo revolto

previous arrow
next arrow
Slider