Quen Somos ?

Máis de 13 anos levamos vivindo o mundo das marionetas, somos a segunda xeración dunha compañía creada no ano 1981 cuns obxectivos que seguimos mantendo como a dignificación e protagonismo das marionetas como ferramenta artística no teatro.

A nosa proposta escénica está baseada en anos de experimentación no manexo e construcción de diferentes tipos de marionetas, sempre ideando a mellor opción según as necesidades do personaxe ou escena.

Tentamos fomentar, sempre dende o divertimento, valores coma a igualdade, o respecto e o apoio mútuo. Vemos de vital importancia unha educación emocional positiva así como de respecto pola natureza.

Temos neste momento oito obras en repertorio, e dende o noso comenzo como responsables da compañía dezaoito montaxes estreadas na súa maioría creadas dende a nada e construíndo escenografías, estructuras, marionetas e guións, deseños de iluminación, selección de músicas, vestiarios..

facemos o que nos apaixoa, somos titiriteir@s!